Swayam
Unique Platform for Individuals and Entities
Register

जाहिरात

 

गारगोटी हायस्कूलची वारकरी दिंडी : विठ्ठल, रखुमाई यासह संतांच्या वेशातील विदयार्थ्यांचा उत्स्फूर्त सहभाग

schedule11 Jul 22 person by visibility 683 categoryसंपादकीय

गारगोटी प्रतिनिधी
 
     भुदरगड शिक्षण संस्था संचालित गारगोटी हायस्कूल व श्री समर्थ ज्युनि.कॉलेजच्या विद्यार्थ्यांनी आषाढी एकादशीनिमित्त गारगोटी शहरातून वारकरी दिंडी काढली. या दिंडीत विठ्ठल, रखुमाई यासह संतांच्या वेशातील विद्यार्थी रथात बसले होते. यावेळी विद्यार्थी, विद्यार्थिनी पारंपारिक वेषभूषेत दिंडीत सहभागी झाले होते. दिंडीस पालक वर्गासह समाजातील सर्व घटकाकडून उत्स्फूर्त प्रतिसाद मिळाला. दिंडी मार्गात विद्यार्थ्यांनी पाऊल भजन सादर केले. विठ्ठल मंदिरात महाआरती पार पडली.
     या दिंडीचा शुभारंभ ह.भ.प. शहाजी पांढरे, ह.भ.प.विश्वनाथ देसाई यांच्या हस्ते करण्यात आला. यावेळी पारंपारिक पध्दतीने सजविलेला रथ, ज्ञानेश्वर माऊलींच्या पालखीसह टाळ व मृदूंगाच्या गजरात दिंडी नेण्यात आली. मार्गावर अनेक ठिकाणी महिलांनी दिंडीचे स्वागत व पालखीचे पूजन केले. हुतात्मा क्रांती चौक, महादेव मंदिर चौक व श्री.साई मंदिरासमोर रिंगण सोहळा पार पडला. रिगण सोहळा पाहण्यासाठी महिलांनी मोठी गर्दी केली होती. दिंडीत सहभागी विद्यार्थ्यांना विठ्ठल भजनी मंडळाच्या वतीने फराळ वाटप करण्यात आला. याकामी श्री. स्वामी समर्थ मंदिराचे विश्वस्त श्री. गणेश पाठक, ह.भ.प.राम कळंबेकर, सौरभ डेकोरेटर्सचे बाजीराव शिंदे, श्री. रणजित कल्याणकर यांचे विशेष सहकार्य लाभले. 
    यावेळी मुख्याध्यापक मिलिंद पांगिरेकर, विभागप्रमुख आर.पी.गव्हाणकर, आर.वाय.देसाई, व्ही.एम.पाटील, जी.डी.ठाकूर, आर.डी.पोवार, एस.एस.नाईक, पी.पी.भंडारी, एच.आर.शिंदे, डी जी.लकमले, डी. एस.ससे, एस.एम.साळवी, सौ.आर.आर.बहादुरे, श्रीमती एन.बी.चांदके, सौ.लता पाळेकर, ह.भ.प.राम कळंबेकर संदीप चव्हाण, रणजीत देसाई, शिवाजी भराडे, अजित शिंदे, प्रा.शेखर देसाई, प्रा. टी. एम. पाटील, सौ. आर. एस. निकम, सौ. स्नेहा साळोखे, माजी सरपंच नामदेव शिंदे, अमृत देसाई, विजय स्मार्त, बाळासो मिसाळ, सौ. मंगल कांबळे यांच्यासह विद्यार्थी, विद्यार्थिनी, शिक्षक, शिक्षकेत्तर कर्मचारी उपस्थित होते.

जाहिरात

 
Copyright © 2025. All Rights Reserved by Swayam.
Designed & Developed by Adhvik go Online
JSON Output

    
Settings
Theme
themes